Хөкүмәт һәм хокук теориясе һәм тарихы кафедрасы 1964 елда, талантлы галим Д.И. Фельдман җитәкчелегендәге дәүләт хокукы һәм тарихи-хокук фәннәре кафедрасының үзгәртеп корылуы нәтиҗәсендә барлыкка килә.
Юридик фәннәр докторы, профессор Ю.С. Решетов 1987 елдан 2015 елга кадәр кафедра мөдире булып тора. 2015 елдан бу вазифага юридик фәннәр докторы, доцент А.В. Погодин сайлана.
Хәзерге вакытта кафедрада 1 профессор, 13 доцент, 5 өлкән мөгаллим, 8 ассистент, укыту-методик эшчәнлек буенча икенче дәрәҗәле 1 белгеч һәм 1 лаборант эшли. Төп фәнни юнәлеш – хокукый көйләү һәм хокук саклау.
Кафедра түбәндәге курслар буенча лекцияләр укылу һәм гамәли дәресләр алып барылуны тәэмин итә:
Бакалавриат:
- дәүләт һәм хокук теориясе;
- Ватан һәм хокук тарихы;
- чит ил дәүләтләре һәм хокуклары тарихы;
- хосусый хокук теориясе нигезләре;
- дәүләт һәм хокук теориясе проблемалары;
- юристның профессиональ этикасы;
- хокук нормаларын гамәлгә ашыру;
- юридик процесс теориясе
Магистратура:
- сәяси һәм хокукый тәгълиматлар тарихы;
- хокук фәлсәфәсе;
- юридик фәннең тарихы һәм методологиясе;
- юридик техника һәм технологияләр;
- чагыштырма хокук белеме.
Кафедра мөгаллимнәре КФУның төрле институларында хокук белемен укыту белән бәйле булган барлык эшләрне алып баралар.
Хөкүмәт һәм хокук теориясе һәм тарихы кафедрасында студентларның фәнни-тикшеренү эшләре актив башкарыла. Кафедра мөгаллимнәре җитәкчелегендә өч фәнни түгәрәк эшли:
– Дәүләт һәм хокук теориясе. Фәнни җитәкчесе – юридик фәннәр кандидаты, доцент Л.Л. Сабирова.
– Ватан һәм хокук тарихы. Фәнни җитәкчеләре – юридик фәннәр кандидаты, доцент В.Р. Шәрифуллин һәм өлкән мөгаллим Ю.М. Лукин.
– Чит ил дәүләтләре һәм хокуклары тарихы, сәяси һәм хокукый тәгълиматлар тарихы. Фәнни җитәкчеләре – юридик фәннәр кандидатлары, доцентлар Д.Н. Горшунов һәм М.В. Воронин.
Фәнни түгәрәк әгъзалары, докладлар белән чыгыш ясау һәм башка традицион фәнни эш формаларыннан тыш, стажировкаларда һәм ел саен үткәрелә торган фәнни сәфәрләрдә катнашалар, тарихи-хокукый темалар буенча дебатлар үткәрәләр, юристлар белән очрашулар уздыралар.
Кафедра 12.00.03 – гражданлык хокукы, эшмәкәрлек хокукы, гаилә хокукы, халыкара шәхси хокук белгечлеге буенча аспирантлар һәм фәнни дәрәҗә алырга теләүчеләрне әзерли.