Оештыручылар фестиваль программасының сер пәрдәсен ача.
Юбилей XX “КФУда Pronаука” кунаклар өчен лекция генә түгел, ә планетаның глобаль көн тәртибен үзгәртүче кеше белән очрашу да әзерли. Казанга Рае Квон Чунг килә – тынычлык өчен Нобель премиясе лауреаты, «Глобаль энергия» премиясен бирү буенча халыкара комитет рәисе, Ban Ki-Moon Foundation (Көньяк Корея) директоры. Ачык лекциянең темасы – “Ясалма интеллект һәм климат кризисы чорында карьераны үстерү һәм тотрыклылыкны тәэмин итү өчен “астан өскә” алымы”.
Исегезгә төшерәбез, күптән көтелгән «Pronауки» темасы (елга бер мәртәбә уза) түбәндәгечә яңгырый: «Мохит һәм вакыт». Фестиваль, дөньяның 50 иленнән яшьләр сәясәте уенчыларын берләштереп, V Казан Глобаль яшьләр саммиты (КГМС) кысаларында узачак.
Без тектоник үзгәрешләр чорында яшибез: ясалма интеллект хезмәт базарын үзгәртә, ә климат кризисы кешелек дөньясыннан уенның яңа кагыйдәләрен таләп итә. Иртәгәге көн бүген үк килеп җиткән дөньяда ничек урын табарга? Рае Квон Чунг заманның иң кискен сорауларына җавап бирәчәк.
15.00 сәгатьтә башланган эксклюзив лекциясендә эксперт ясалма интеллект һәм климат кризисы шартларында яшәүче яшь буынның тотрыклы үсеш турында кайгырту зарурлыгы һәм бер үк вакытта ЯИ күп кенә һөнәрләрне бик тиз кысрыклап чыгарган шартларда эш эзләү проблемасы белән ничек очрашуы турында сөйләячәк.
Яшьләргә хас «башта мин» принцибына (шәхси кыйммәтләр һәм үз-үзеңне тормышка ашыру өстенлеге) нигезләнгән «астан өскә» алымы озак вакытлы экологик тотрыклылык өчен генә түгел, ә күп кенә яшь кешеләр өчен яңа карьера перспективалары барлыкка килү өчен дә мөмкинлекләр ачачак.
Һәр кунак дискуссиянең бер өлеше була алсын өчен чыгыш инглиз телендә профессиональ эзлекле тәрҗемә белән узачак. Бу идеяләре тулы бер дәүләтләрнең үсеш стратегиясе нигезенә салынган кешенең фикерләрен ишетү өчен уникаль шанс.
Фән бәйрәме Татарстан башкаласының үзәгендә – КФУның икенче уку корпусы каршындагы скверда (Кремль ур., 35), шулай ук бинаның холлында һәм эчке аудиторияләрендә булачак.
Керү ирекле. Теркәлү кирәк.
Материалны өлешчә яки тулысынча күчереп бастырганда, шулай ук цитаталар китергәндә КФУ матбугат хезмәтенә сылтама ясарга кирәк.
Автор: Рүфинә Гыймалетдинова, КФУның мәгълүмати сәясәт департаменты, фотоны спикер бирде