«Хәтер һәм кайгы шәме» акциясе Бесландагы фаҗиганең 22 еллыгына багышланган иде.
Казан федераль университетында «Хәтер һәм кайгы шәме» акциясе узды. 3 сентябрь-Россиядә Террорчылыкка каршы көрәштә теләктәшлек көне. Истәлекле дата Бесландагы фаҗигале вакыйгалар белән бәйле, тоткынга алу нәтиҗәсендә йөзләгән кеше, шул исәптән балалар һәлак булган. «УНИКС»ның кече залында беренче курс студентлары, университет җитәкчелеге һәм хезмәткәрләре җыелды.
2004 елның 1 сентябрендә, Белем көнендә, боевиклар Бесландагы 1нче мәктәпне басып алалар. Өч көн дәвамында җинаятьчеләр спорт залында тоткыннарны сусыз һәм ризыксыз тоталар. Террорчылык акты 334 кешенең, шул исәптән 136 баланың гомерен өзде.
Залда «Беслан» видеоролигын күрсәттеләр: хроника кадрлары, фотосурәтләр, штурм һәм кайгы мизгелләре. Шуннан соң сүз беренче проректор-Казан федераль университетының фәнни эшчәнлек буенча проректоры Дмитрий Таюрскийга бирелде. Ул фаҗигале вакыйгалар турындагы хәтернең беркайчан да сүнмәскә тиешлеген билгеләп үтте.
“Бесланда булган хәл җирдәге яман террорчылыкның артуы булып тора. Студентлар бу хакта белергә тиеш”, – дип ассызыклады Д.Таюрский.
Фәнни эшчәнлек буенча беренче проректор яшьләрне төрле хокукка каршы акцияләргә җәлеп итүнең ешаюына аерым игътибар бирде.
“Яшьләр моның үз алдында гына түгел, җәмгыять һәм дәүләт алдында да җитди җаваплылык булуын аңларга тиеш”, – диде ул.
Куркынычсызлык турында сөйләгәндә, КФУның Яшьләр сәясәте һәм тәрбия эшчәнлеге буенча проректоры Ариф Межведилов билгеләп үткәнчә, ул һәрвакыт җаваплылыкка корыла.
“Теләсә нинди куркынычсызлык-ул җаваплылык. Моның өчен җавап бирә торган структуралар булуы аңлашыла. Әмма кеше үзе, кешеләр төркеме, халык катламы ярдәм һәм дуслык кулы һәрвакыт янәшә булырга тиешлеген аңларга тиеш”, – диде А.Межведилов.
Ул студентларга чиста, якты күк йөзе һәм шатлыклы вакыйгалар теләде.
“Хәзерге яшь буын үз иле белән горурланырга тиеш. Шул ук вакытта алар Россия территориясендә төрле вакыйгалар булганын, тарихны белергә тиеш», – дип йомгаклады яшьләр сәясәте һәм тәрбия эшчәнлеге буенча проректор.
Социаль-фәлсәфи фәннәр һәм массакүләм коммуникацияләр институтының 1 курс студенты Камилә Хәмзина бүгенге чарадан алган тәэсирләре белән уртаклашты.
«Мондый чаралар безгә шундый коточкыч вакыйгалар нәтиҗәсендә зыян күрүчеләрне искә алырга ярдәм итә. Бу хәтерне саклап, без алдагы терактларны булдырмый кала алабыз. Мондый акцияләр ярдәмендә без үзебездә дөрес кыйммәтләр тәрбиялибез”, – дип саный студентка.
Исегезгә төшерәбез, 2023 елда Казан федераль университетында студентларның иҗтимагый оешмалары һәм берләшмәләре активистларының Бесландагы фаҗигане күрүчеләр белән очрашуы узды.
Материалны өлешчә яки тулысынча күчереп бастырганда, шулай ук цитаталар китергәндә КФУ матбугат хезмәтенә сылтама ясарга кирәк.
Авторы: Әминә Морат, КФУның мәгълүмати сәясәт департаменты, фото: Исламия Баянова