Михаил Щелкунов Идел буе федераль округында оешманың эшен алып барачак.
Казан федераль университетының Социаль-фәлсәфи фәннәр һәм массакүләм коммуникацияләр институтының гомуми фәлсәфә кафедрасы мөдире Михаил Щелкунов Россия фәлсәфә җәмгыяте (РФО) вице-президенты итеп сайланды. Кабул ителгән карар РФО президиумы утырышында игълан ителде.
Россия фәлсәфи җәмгыяте 1971 елда оештырыла. Төбәк бүлекләре илнең 60 тан артык субъектында эшли. Михаил Щелкунов менә 25 ел инде Татарстан бүлеге рәисе булып тора, ул катнашучылар саны буенча иң эре дүртлеккә керә һәм оешмадагы иң өлкәннәрнең берсе.
Яңа вице-президентларны сайлау һәр берничә ел саен РФО президенты катнашында Мәскәүдә хисап-сайлау конференциясендә уза. 2025 елга кадәр вице-президентлар ике яки өч иде, быел 10 кешегә кадәр артты. Хәзер М. Щелкунов РФО Идел буе федераль округына керүче барлык 13 төбәк бүлекләренең эшен җитәкличәк.
«Һәр бүлекчәнең үз максатлары, эш алымнары һәм мөмкинлекләре бар. Нигездә, бу конференцияләр, фәлсәфә белемнәрне популярлаштыруның төрле формалары, массакүләм мәгълүмат чараларында чыгышлар, басмалар бастыру. Җәмгыятьнең төп бурычы – академик галимнәрнең җыелышы булу гына түгел, гәрчә, башлыча, оешмада укытучылар һәм тикшеренүчеләр булса да, киң даирәләрдә фәлсәфи фикерне алга сөрү өстендә эшләү “, – диде кафедра мөдире.
Татарстанның РФО бүлеге әһәмиятле проектларны КФУ катнашында үткәрә.
«Бездә бренд формалары барлыкка килде, алар нибары икәү генә, әмма аларга без ел дәвамында әзерләнәбез, һәм алар үз нәтиҗәләрен бирә, – дип билгеләп үтте Казан университеты профессоры. – Ноябрьнең өченче пәнҗешәмбесе – ЮНЕСКО тарафыннан 2005 елда игълан ителгән Бөтендөнья фәлсәфә көне алдыннан бөтен ил буйлап фәлсәфи акцияләр оештырыла. Безнең өчен флагман проект булып Садыйков укулары тора, быел алар 12 нче тапкыр узачак. Бу халыкара дәрәҗәдәге чара, анда Россиянең башка төбәкләреннән, шулай ук чит илләрдән коллегалар катнаша. Яшьләрне дә кертеп, берничә секция үткәрелә, ә конференция нәтиҗәләре буенча җыентык чыгарыла. Боларның барысы да дөньяда, шул исәптән Татарстан Республикасында да философия турында хәтерләвен күрсәтә. Моннан тыш, безнең яшь укытучыларыбыз, аспирантлар һәм өлкән курс студентлары “Фәлсәфи Казан” фестиваленә кушылалар.”Смена” заманча мәдәният үзәгендә алар киң аудитория, шәһәр халкы, төрле һөнәр ияләре алдында лекцияләр, квестлар, викториналар белән чыгыш ясыйлар.
Элегрәк КФУ галимнәренең Россия Фәннәр академиясенең әгъза-корреспондентлары итеп сайлануы билгеле булды.
Авторы: Алиса Гайнетдинова, КФУның Мәгълүмати сәясәт департаменты, фото: Инна Басырова