Дипломат Алексей Дронов лекция белән чыгыш ясады.
Казан федераль университетының Юридик факультетында «Суд роле һәм аның Союз органы буларак эшчәнлек перспективалары» лекциясен Евразия икътисади берлеге Суды Рәисе Алексей Дронов укыды.
Лекцияне юрфак профессурасы вәкилләре һәм студентлар тыңлады, алар арасында – Халыкара һәм Европа хокукы кафедрасы мөдире Гадел Абдуллин, профессор, юридик фәннәр докторы (элек Казан университетында эшләгән) Ленарис Минһаҗев, Халыкара һәм Европа хокукы кафедрасы профессорлары Наталия Тюрина һәм Гөлнара Шәйхетдинова бар иде.
КФУга югары уку йорты мәйданчыгында чыгыш ясау тәкъдиме өчен рәхмәт белдереп, спикер лекцияне аңлаешлырак итеп үткәрергә: хокук теориясенең катлаулы концепцияләре турында сөйләмәскә, ә тәкъдимнәргә күчә ала торган фикерләр белән уртаклашырга карар кылды.
Алексей Дронов үзе әйтүенчә, быелның гыйнварында ЕАЭС Суды рәисе вазыйфасына билгеләнгәнче, хөкемдар булырга планлаштырмаган. 30 елдан артык гомерен ул дипломатиягә багышлаган, озак еллар РФ Тышкы эшләр министрлыгының Хокук департаментында эшләгән. А.Дронов шулай ук ФРГ һәм Австриядә Россия мәнфәгатьләрен тәкъдим иткән.
“Евразия берлеге органы буларак, судның һәм берлекнең мәгънәсе яңадан бәяләү катлаулы булган тарихи миссияне үтәүдән гыйбарәт. Бөтен эш шунда ки, Евразия пространствосы – ул тарихи яктан барлыкка килгән киңлек, анда үз структурасы буенча бик катлаулы цивилизация бар һәм булган “, – диде ул.
Исегезгә төшерәбез, хәзерге вакытта ЕАЭС составына биш ил керә – Әрмәнстан, Беларусия, Казахстан, Кыргызстан һәм Россия. Россия өчен Евразия – үсеш чыганагы, дип билгеләде кунак.
“Безнең өчен Евразия икътисадый берлеге проекты чынлыкта мөһим, бик мөһим, без чигенә алмыйбыз, чөнки без дәүләтләрнең бик зур берләшмәләре көндәшлелеккә сәләтле булганда гына үз ихтияҗларын канәгатьләндерә алачак, үз мәнфәгатьләрен тәэмин итәчәк дип ышанабыз. Мондый институтлар үскәндә генә без һәр дәүләттә илкүләм дәрәҗәдә булган катлаулы бурычларны хәл итә алабыз. Бергәләп без аларны хәл итә алабыз, ә менә аерым-аерым хәл итүебез икеле”, – диде А.Дронов.
Аннары ул ЕАЭС Суды эшләргә тиешле кайбер проблемаларга җентекләп тукталды. А.Дронов әйтүенчә, судьяларга халыкара хокук нормаларын гына түгел, махсус өлкәләргә кагылышлы икенчел интеграцион хокук нормаларын да да белергә кирәк.
“Суд карый торган эшләрнең күп өлеше – таможня фальсификациясе буенча эшләр”, – дип уртаклашты ул тыңлаучылар белән.
Быелның маенда Берлек илләре ЕАЭС турындагы Килешүгә кул куюның 10 еллыгын билгеләп үтәчәк. А.Дронов әйтүенчә, бердәм киңлеккә карауларына карамастан, судьяларны бер-берсеннән күп нәрсә, барыннан да элек гадел хөкем инструментларына мөнәсәбәт аерып тора. Һәм монда судьяга үзен халыкара хезмәткәр ролендә аңлау мөһим, ди ул.
“Бәйсезлек һәм гаделсезлектән башка теләсә нинди гадел хөкем буш тавышка әверелә, – дип саный ЕАЭС Суды Рәисе. – Хокук – ул тере организм».
Әлеге тарихи этапта суд роле карарлар чыгару белән генә чикләнми – бу әле союзның эшчәнлегенә кагылышлы системалы тәртипне белү чыганагы да, дип өстәде Дронов.
Очрашу сорау-җавап сессиясе белән тәмамланды.
Моннан алдарак кына КФУда «Евразия пространствосы дәүләтләренең хокукый системалары эволюциясе» халыкара фәнни-гамәли конференциясе булды.
Авторы: Алисә Гайнетдинова, КФУның Мәгълүмати сәясәт департаменты, автор фотосы