Алар Филология һәм мәдәниятара багланышлар институтының (ИФиМК) Дизайн һәм пространство сәнгате институтында (ИДиПИ) булдылар.
Казан федераль университеты белән “Яшь рәссамнарның профориентациясе” халыкара программасында катнашучылар – Россиянең 8 төбәгеннән – Татарстан һәм Башкортстаннан, Краснодар краеннан, Киров, Ярославль, Чиләбе һәм Түбән Новгород өлкәләреннән 150 педагог-рәссам һәм аларның укучылары танышты.
Сәфәрне Халыкара педагог-рәссамнар берлеге Казан сәнгать белеменең әйдәп баручы оешмалары белән берлектә оештырган. Мондый программалар шулай ук Санкт-Петербургта һәм Мәскәүдә уза. Проект югары һәм урта махсус уку йортларына мотивацияле һәм талантлы абитуриентлар эзләүдә ярдәм итә һәм яшьләрне булачак һөнәрне аңлы сайлауга этәрә.
18 апрельгә кадәр дәвам итәчәк сәфәр кысаларында Казанның сәнгать югары һәм махсус урта уку йортларында, музейларда, турыдан-туры иҗади конкурс уздыру планлаштырыла, шулай ук мастер-класслар узачак.
Кунаклар маршрутына КФУ Филология һәм мәдәниятара багланышлар институтының Дизайн һәм пространство сәнгате институты да кергән. Укучыларга һәм аларны озатып йөрүчеләргә югары уку йортындагы әзерлек юнәлешләре, җиһазланыш турында сөйләделәр, лабораториядә экскурсияләр үткәрделәр, студентларның эшләрен һәм казанышларын тәкъдим иттеләр. ИДиПИга килер алдыннан делегатлар “Вертолет” яшьләр үзәгендә булдылар.
“Минемчә, безгә килгән кунаклар өчен бу зур ачыш. Алар берьюлы берничә университетта булалар, берничә шәһәр буйлап йөриләр, һәм, әлбәттә, аларның сайлап алырлык нәрсәләре күп, һәм бу тагын да ышанычлырак, һәркайсы үзе яраткан юнәлешне табар дип ышанам. Безнең институт беренче чиратта уңайлы атмосфера белән җәлеп итә ала. ИДиПИның бинасы якты, матур, монда берләшкән коллектив эшли, без барыбыз да иҗади, һәм безнең чыннан да күрсәтерлек нәрсәләребез бар. Минемчә, безнең өчен эшләребез сөйли. Без предмет һәм сәнәгать дизайнына, архитектурага, коммуникатив дизайнга, төрле графикага өйрәтәбез. Әлбәттә, бу теләсә кемне, хәтта сәнгать белән бәйле булмаган кешене дә җәлеп итәчәк. Кунаклар бик тәэсирләнә, программа бик интенсив. Минемчә, аларга боларның барысын да әле “кайнатырга” туры киләчәк, чөнки Казанда чыннан да карар нәрсәләр бар. Безнең университетка шундый күп санда иң яхшы һәм потенциаль абитуриентлар килүе белән без бик горурланабыз”, – диде ИДиПИның архитектура һәм медиасәнгать кафедрасы мөдире Степан Новиков.
Ярославль шәһәре М.А. Балакирев исемендәге балалар сәнгать мәктәбенең сәнгать бүлеге мөдире Екатерина Чудайкина КФУда дизайн юнәлеше нык үскән, дип билгеләп үтте.
“Безгә якын булган вузлар бар, ә без бөтенләй башка төбәккә килдек. Һәм монда, күргәнемчә, дизайн юнәлеше бик үсеш алган. Мин безнең шәһәр төзелеше көллиятләрендә комиссия рәисе булып торам, анда әлеге профиль тәкъдим ителгән, һәм мин аерманы күрәм. Балалар, әлбәттә, әлегә чагыштыра алмыйлар, әмма укытучылар составы бу аерманы шунда ук күреп алды. Әлбәттә, өйрәнерлек нәрсәләр бар. Алга таба без пропагандалаган кызыклы юнәлешләр бар, мәсәлән, моушн-дизайн. Бу яңа юнәлеш турында балаларга әле сөйләргә кирәк. Бәлки, киләчәктә алар әлеге югары уку йортларына керергә теләрләр”, – диде интервьюда Е.Чудайкина.
КФУда визит ИФМКна экскурсия белән дәвам итте. Биредә кунакларга институтның тарихы, аның укытучылары һәм белем бирү мөмкинлекләре турында сөйләделәр.
“Халыкара педагог-рәссамнар берлеге белән безнең институт күп еллар хезмәттәшлек итә, һәм алар безгә талантлы, сәләтле балаларны беренче генә җибәрмиләр. Бу нәкъ менә талантлы балаларны безнең иҗади программаларга керергә җәлеп итү максатыннан оештырылган искиткеч чара, – диде ИФиМКның Татаристика һәм мәдәният белеме кафедрасы мөдире Лилия Мөхәммәтҗанова. – Безгә килгән балалар – Россиянең төрле төбәкләреннән сәнгать мәктәпләре укучылары. Безнең мәгариф юнәлешләре аларга кызыклы булырга мөмкин, һәм, бәлки, бу балалар булачак абитуриентларыбыз булыр. Шуңа күрә без аларны үзебезнең институт, Казан федераль университеты белән таныштырырга тырышабыз, экскурсияләр уздырабыз, шулай ук безнең программалар һәм безгә ничек укырга керергә мөмкин икәнлеге турында сөйлибез”.
Казан университетында булудан алган тәэсирләре белән Ярославльдән килгән сигезенче сыйныф укучысы София Крайнова уртаклашты. Кунаклар фикеренчә, мондый һөнәри юнәлешле сәфәрләр уздыру абитуриентларга киләчәк карьера һәм гомумән тормыш сайлауда өстенлекләрне дөрес билгеләргә ярдәм итә.
“Университетта тинейджерларга гадәти мәктәптә һәм ранг буенча бераз түбәнрәк булган югары уку йортларында шулкадәр җитми торган заманча атмосфера. Мин Казанга бик нык килергә теләдем, чөнки бу шәһәр, мондагы чисталык, матурлык, мәдәният һәм истәлекле урыннар күп булуы турында ишеттем. Поезддан чыгу белән, соклану кичердем. Миңа шундук бик ошады. Мин гашыйк булдым! “- диде София.
Искәртеп узабыз, элегрәк КФУда бердәм ачык ишекләр көне узды.
Авторы: Алисә Гайнетдинова, КФУның Мәгълүмати сәясәт департаменты, авторның фотосы