Университет әйдәп баручы экспертлар һәм «студентлар стартабы» конкурсында җиңүчеләр катнашында белем бирү интенсивын үткәрә.
Казан федераль университетында Технологик эшмәкәрлек өлкәсендә компетенцияләрне һәм стартап-проектларны үстерү буенча ел саен үткәрелә торган акселерация программасында катнашучылар өчен белем бирү интенсивы старт алды. Программада – экспертлардан мотивацион лекцияләр, осталык дәресләре, тренинг һәм кейслар анализы.
Бүген «УНИКС»та технологик эшмәкәрлек кысаларында үз проектларын эшләргә теләүче студентлар җыелды. Интенсивның беренче спикеры – КФУның инновацион үсеш идарәсе башлыгы Антон Дыганов яшьләрне акселерация программасы, аның экспертлары һәм остазлары белән таныштырды. Аерым алганда, аның әйтүенчә, Казан федераль университеты – студентлар эшкуарлыгы өлкәсендә лидер, соңгы 3 елда югары уку йорты акселераторында 2000нән артык студент катнашкан.
“Акселерация программасы ике өлештән тора: белем бирү блогы һәм проект эше. Белем бирү блогының бурычы – студентларны стартап-эшчәнлеккә чумдыру: технологик эшмәкәрлек – бу нәрсә? Моның белән ничек эшләргә? Идеяне алга таба ничек үстерергә һәм нинди ярдәм институтлары бар? Россиядә бу хәрәкәт нәрсә белән яши? Бүген без зур белем бирү чарасы үткәрәбез. Анда акселераторга үз проектларын тапшырган студентлар һәм бу юнәлеш белән кызыксынган кешеләр катнаша. Алар белән без декабрь уртасына кадәр эшләячәкбез. Быел КФУның “студентлар стартабы” конкурсында 139 җиңүче бар, һәм, әлбәттә, университет моның белән генә тукталырга җыенмый. Алга таба тагын да күбрәк булыр дип ышанабыз”.
Көн дәвамында студентлар алдында экспертлар чыгыш ясаячак, алар проект эшчәнлегенең нечкәлекләрен ачачак, студентлар проектларын үстерүгә инвестицияләр җәлеп итү, ярдәм итү чаралары турында сөйләячәк, шулай ук уңышның илһамландыргыч тарихлары белән уртаклашачак. Алар арасында «Идея» инновацион-җитештерү технопаркы генераль директоры Диас Сафин, университетның стартап-студиясе генераль директоры Руслан Шевченко, «Сколково» фондының Төбәк үсеше департаменты юнәлеше җитәкчесе Михаил Унтура, ИТ-паркның яшьләр технологик эшкуарлыгы үзәге җитәкчесе Кәрим Гыйльметдинов бар. Алар Россиянең технологик лидерлыгының илкүләм максатларына ирешүдә стартапларның роле турында фикер алыша һәм анализлый.
Интенсивта катнашучылар өчен «Идеяләр генерациясе: тормышта бу ничек бара» темасына осталык дәресе узды инде.
«Осталык дәресе минем башымда нинди проектлар барлыкка килүе һәм ни өчен мин аларны тормышка ашыру, идеяләрнең кеше тормышын ничек үзгәртүе, аларның тормышны мәгънә белән тутыруы турында», – дип уртаклашты «Идея» Технопаркының Тышкы элемтәләр һәм PR бүлеге башлыгы һәм Startup Choice подкасты авторы Илья Аксенов.
Спикерлар арасында «Ген һәм күзәнәк технологияләре» фәнни-тикшеренү лабораториясенең кече фәнни хезмәткәре, Фундаменталь медицина һәм биология институтының 1 нче курс аспиранты, «Студенческий стартап» конкурсында җиңүче Юрий Маясин да бар иде. Бүген ул «Канцер Резистенс» компаниясенең генераль директоры булып тора.
“Шатлык һәм горурлык хисләре кичерәм. Шатлык, чөнки студентларның белем алу гына түгел, ә моңардан продукт ясау һәм акча эшләү өчен шундый шәп мөмкинлекләре барлыкка килүенә, – ди аспирант. – Татарстан – алдынгы регион, һәм киләчәк нәкъ менә биредә язылуы бик күңелле”.
Акселераторда катнашучылар билгеләп үткәнчә, программа фикердәшләр табарга һәм үз бизнес-идеяләрен тормышка ашыру өчен хуплау табарга булыша.
“Мин балык хуҗалыклары өчен су асты аппараты эшләү белән шөгыльләнәм. Ул уңышны арттыруга ярдәм итәчәк, шулай ук авыруларны фаразлый, статистика һәм бассейнның торышы турында мәгълүматлар җыя алачак, – дип сөйләде КФУның ясалма интеллект, робототехника һәм системалы инженерия институтының 3 курс студенты Ян Мурин. – 1 курстан башлап, мин үз проектларыма финанслар җәлеп итү өчен төрле грант программаларында катнашам. Быел мин туктарга теләмим һәм ким дигәндә җиде конкурста катнашырга планлаштырам».
Материалны өлешчә яки тулысынча күчереп бастырганда, шулай ук цитаталар китергәндә КФУ матбугат хезмәтенә сылтама ясарга кирәк.
Автор: Алисә Гайнетдинова, КФУның мәгълүмати сәясәт департаменты, автор фотосы