Матур һәм килешле итеп йөрү серләренә төшенәсең киләме? Бию белән балалар бакчасыннан бирле шөгыльләнәсең яки үз-үзеңне беренче тапкыр сынап карыйсың киләме? Безгә рәхим ит! Студентлар клубында һәркем үзе теләгән юнәлештә шөгыльләнә һәм үз-үзен камилләштерә ала.
КФУда нинди бию юнәлешләре бар?
Казан федераль университетында бию дәресләре түбәндәге юнәлешләр буенча алып барыла:
– эстрада биюләре;
– заманча биюләр;
– халык биюләре;
– Hip-Hop;
– Jazz Funk;
– Dancehall;
– Housedance;
– бал биюләре;
– спорт биюләре.
Төркемнәрдәге барлык дәресләр дә түләүсез!
Бию дәресләренә ничек язылырга?
– Үзең укый торган Интитутның культоргына яки Студентлар клубының җитәкчесенә мөрәҗәгать ит.
– Үзең теләгән бию төркеменең дәресенә яки репетициясенә языл.
– Студентлар клубының һәр елның сентябрендә үткәрелә торган Ачык ишекләр көненә кил.
Бию белән шөгыльләнү сиңа төрле мөмкинлекләр ача:
Бию техникасын камилләштерергә мөмкинлек бирә, үз-үзеңә ышанычны арттыра;
Студентлар клубы үткәрә торган барлык чараларда, шулай ук шәһәр, республика, гомумроссия, халыкара югарылыктагы төрле конкурс һәм фестивальләрдә катнашу мөмкинлеген бирә;
Студент еллары тормышын матур мизгелләр белән тулыландыра, яңа дуслар табарга ярдәм итә һәм иҗади тормышта кайнап яшәү мөмкинлеген бирә.
Әгәр син бию коллективлары рәтен тулыландырырга уйласаң, без шат булачакбыз!