Чарада барлыгы 15тән артык кеше катнашты.
1 сентябрьдә Казан федераль университетының Дизайн һәм пространство сәнгате институты (ИДиПИ) хезмәткәрләре һәм студентлары Бишбалта бистәсендәге Зур урам, 65 адресы буенча урнашкан бер катлы торак йортны ремонтлауда катнаштылар.
“Том Сойер Фест” — волонтерлар һәм иганәчеләр көче белән тарихи мохитне торгызуга багышланган фестиваль. Агач йортларны ремонтлауга һәм реставрацияләүгә аерым игътибар бирелә. Фестиваль кысаларында илебезнең 40 тан артык торак пунктында берничә объект, шулай ук Кыргызстанда 1 бина торгызылды.
Укучылар һәм КФУ хезмәткәрләре тәрәзә рамнарын, баганаларны һәм фасадның кайбер детальләрен, шулай ук ишегалдына керә торган капкаларны буядылар. Төзелешкә 116 ел. Хәзерге вакытта бу адрес буенча эшләрнең күп өлеше башкарылган. Хезмәткәрләрне һәм студентларны бинаның тарихы белән таныштырдылар, шулай ук чәй эчү оештырылган иде.
“Без фестивальдә студент-архитекторларның кураторлык сәгате кысаларында катнаштык. Алар өчен бу тарихи архитектура объекты белән хезмәттәшлекнең файдалы практикасы. Өстәвенә, ремонт-реставрация технологияләре белән практикада танышу һәрвакыт нәтиҗәле”, – ди ИДиПИ архитектура һәм медиа сәнгать кафедрасы мөдире Степан Новиков.
Моннан тыш, укучылар Зөядәге дебаркадерны ремонтлаганнар инде, ә якын арада Фукс бакчасында эшләр белән шөгыльләнәчәкләр, анда агач беседка торгызылачак.
“Чара турында Степан Викторовичтан белдем. Архитекторлар буларак безгә реставрация материаллары һәм технологияләре белән практикада танышу күңелле булды. Безнең төркем алдында объектның бер өлешен расланган проект нигезендә буяу бурычы тора иде. Коллективның бердәмлеге нәтиҗәсендә без бу бурычны тиз арада үтәдек. Киләчәктә тагын ниндидер охшаш эшләрдә катнашасы килә”, – дип сөйләде ИДиПИ студенты Илназ Гарипов.
Материалны өлешчә яки тулысынча күчереп бастырганда, шулай ук цитаталар китергәндә КФУ матбугат хезмәтенә сылтама ясарга кирәк.
Авторы: Иван Семенов, КФУның мәгълүмати сәясәт департаменты, фотолар: Лилия Нәбиуллина, Миләүшә Тукмакова