Россия университетларын билгеле бер критерийлар буенча бүлү нәтиҗәләре 2022 елның маенда басылып чыкты.
Россия Фән һәм югары белем министрлыгы агымдагы елның май аенда югары уку йортларының медиа активлыгы рейтингын тәкъдим итте.
Рейтинг Россия Мәгариф һәм фән министрлыгы карамагындагы 218 югары уку йортының медиа активлыгын исәпкә ала. Казан федераль университеты анда өченче урынны алды.
Рейтингта югары уку йортларының ГМЧ (Index Mass Media), рәсми сайт (Index Site) һәм социаль челтәрләр (Index Social) белән эш күрсәткечләре чагыла. Социаль челтәрләр исемлегенә хәзер “ВКонтакте” һәм “Одноклассники”, шулай ук Telegram мессенджеры һәм Rutube видеохостингы керә.
Социаль челтәрләрдә югары уку йортлары эшенең нәтиҗәлелеге рейтингында КФУның индексы 27,231 гә тигез. Бу күрсәткеч югары уку йортының аккаунтлары булуын һәм социаль челтәрләрдә эшен исәпкә ала. Шул ук вакытта төрле социаль челтәрләрнең “социаль индекс” әһәмияте төрлечә.
Югары уку йортларының гаммәви мәгълүмат чаралары белән эшләү нәтиҗәлелеге рейтингында Казан федераль университеты 6 нчы урынны алды. Index Mass-Media 19,155 тәшкил иткән. Югары уку йортының ГМЧ белән эш нәтиҗәлелеге күрсәткече төбәк, федераль һәм интернет-гаммәви мәгълүмат чараларында вуз һәм аның хезмәткәрләре турында язмалар санын, әлеге чыганакларның аудиториясен, телеканалларда чыккан сюжетлар санын, шулай ук вуз яки аның проектлары турында Россия Мәгариф һәм фән министрлыгы ресурсларында урнаштырылган эксклюзив яңалыклар санын исәпкә ала.
Югары уку йортларының рәсми сайтлар белән эшләү нәтиҗәлелеге рейтингына килгәндә, биредә КФУ күрсәткечләре 24,189 га тигез. Ул сайтның аудиториясе, кулланучылар анда үткәргән вакытны, сайтка бер ай эчендә керүчеләр санын, шулай ук керүдән баш тартулар күрсәткечләрен исәпкә ала.
Югары уку йортларының яңартылган гомуми M-Rate рейтингы мәгълүматлары буенча, май дәвамында университетларның социаль челтәрләрендә язылучылар саны 55 меңнән артык кешегә, ә барлык социаль челтәрләрдә карау саны 4,5 млн.га арткан. Бу айда рейтингта беренче тапкыр Rutubeтагы югары уку йортлары аккаунтлары буенча мәгълүматлар бастырылды, ике ай эчендә университетлар видеопорталда 123 бит булдырган.
Автор: КФУның медиакоммуникацияләр үзәге, фото: Александр Кузнецов